طلع ليا فيديو فإنسطا ديال هاد التامل ( حاشاكوم ) وخونا لي مبوسطي الفيديو كاتب عليه ( واو، طوطو صدق راجل لانه دعم فلسطين فوق الخشبة )
دخلت للفيديو لقيتو كيغني وكيشطح وهو مهبط سروالو ومبين طغمتو !!! وفاش كادخل للتعاليق كاتبان ليك القضية ديال ( غسيل الدماغ ) بنادم متيق وكايشكر فهاد التامل …
ردو البال ( راه أي واحد عندو العقل وشويا ديال المنطق والانسانية ) راه ما يمكنش يغني ويشطح وخوتو كايموتو يوميا ..
ونجيكوم من اللخر ( هاد روابا والمغنيين لي كايطلعو لمنصات كبار بحال موازين ) راه كايفرضو عليهوم شنو يلبسو وشنو يقولو وشنو يمررو من أفكار، بمعنى هاد لبلان ديال مهبط سروالو وفواحد اللقطة كاع بين المؤخرة للجمهور ( راه مقصودة ومفروضة عليه يديرها يلا بغا يغني فموازين ) باش نتا تكون كاتفرج ويبقا يجيك هاد المنضر عاااااادي.
الحاصول ردو بالكوم من المصفوفة لي كاتخدم يوميا على غسيل الدماغ …. وراه لا يصح إلا الصحيح.
,شويبة براهيم
المصدر : https://assadaassiassi.com/?p=31131
عذراً التعليقات مغلقة