مغاربة المهجر و السياح المغاربة و الأجانب ماشي همزة ..هوما فقط ختارو بلادهم باش يديرو فيه السياحة ويساهمو في انعاش الإقتصاد ديال بلادهم ، أشنو ذنبهم يلقاو قدامهم ناس منعدهمش الضمير. زايدين في جميع المواد بداعي ارتفاع الأسعار ..الزيادة فكولشي في الفنادق في المطاعم في المقاهي في المخابز في دور الضيافة في دور الكراء في الباركينك ..وزيادة ماشي منطقية ممكن الواحد يتفهمها. زيادة صاروخية تاتشم فيها ريحة الجشع و الطمع و الشفارة بالعلالي وخصوصا في المناطق و المدن السياحية ..بطبيعة الحال ماشي كولشي ..كاين اللي عندو الغيرة على بلادو و تايخاف يضر بالسمعة ديالها..
تقاو الله فبلادكم..ودرهم ديال الحلال حسن من 100 درهم بالخواض ..والى زدتي على السائح هاد العام ، العام الجاي و الله ماتشوفو ..و قليل ومداوم حسن من كثير ومقطوع ?.
بقلم ابراهيم شويبة
المصدر : https://assadaassiassi.com/?p=14938
عذراً التعليقات مغلقة