علاش يا بلادي غادية باللور
مول النية باين من تحزامو
جريت الحجرة راب الكركور
كلها جر اللي ليه ودار عرامو
رابت القصبة وطاح السور
والتاريخ يصعاب ترمامو
تشتت العش وأصبح مهجور
والوكر يابلادي هجرو حمامو
هجرك الباز والنسور
اللي في سماك حامو
حلق في سماك غراب وزرزور
لوثو جوك ؤ في ماك عامو
فيك يا بلادي غابت الفرحة والسرور
كحال السما وجفت غيامو
فيك الموتى سجلو الحضور
كاين اللي مصوت وخا رشاو عظامو
فيك البغلة ولدت واحد من لمهور
‘محروم اللحم عندو روامو
فيك تكلمت الجثة في واحد من لقبور
ؤ كلها قال كلامو
يا أرض التوت المزبور
فين العود فين لجامو
يا مدينة ولد قدور
العلوة لوتار ؤ نغامو
المصدر : https://assadaassiassi.com/?p=14874
عذراً التعليقات مغلقة