انعدام الماء

مريحين كانقلبوا على الما لأكثر من 30 دوار عطشانة في عبدة ، قلت مع راسي نبلغ هاته الرسالة للشعب المغربي ، هذاالشعب المغلوب على أمره لي كيخلص المازوط بـ 16 درهم وليصانص بـ 17 درهم والزيت بـ 100 درهم رغم انخفاض أسعارها عالميا ، هو نفس الشعب لي كيحرق دمو مع مدرب كيشد أكثر من ثمانين مليون شهريا …
حاجة بسيطة تفكر فيها تحقد وهي باك وموك أو وليداتك لمرضوا يعطوك موعد من هنا لأبريل ديال 2023 وشوف تشوف هادشي لا لقيتي لي يعطيك موعد .
بدلو مدرب ونتا فرحان تفكر بلي كان كايتخلص 80 مليون شهريا ، ماقيمته ربعة البارطمات لي هي حلم حياة ديال أربعة عائلات مغربية ماشي حتى أسر .
ونزيدك راه كان كايتخلص من ميزانية الشعب لي خاص يخلصوا بيها الطبيب والمعلم أولا .
زعما ناقصك غا المدرب يبدلوه وها نتا بخير مع راسك.
نكونوا واقعيين ، كرة القدم غا ترفيه ، وهاد الخبر ملي عندوا ضجة إعلامية كبيرة ، عرف بأنه كلشي مخلص باش يلاهيك على الموضوع الأساسي ألا وهو ارتفاع الأسعار في المغرب رغم انخفاضها عالميا ، لهذا هما ناوين يعوجوك لهورتبورد ، نتا ردهم لنايلسات ، ماتكونش فحال الخملة الريح لي جا يديك .

بقلم ابراهيم اشويبة.
الصدى السياسي.

المصدر : https://assadaassiassi.com/?p=14857