خرجات منى السابر الزوجة اللولة ديال محمد الترك، راجل دنيا باطمة باش تجاوب المغنية المغربية لي شمتات فيها آخر مرة بعدما صدرات المحكمة حكم ضدها في قضية “حمزة مون بيبي”.
منى السابر دارت فيديو لايڤ عبر حسابها الرسمي في انستكَرام، شبعات فيه سبان في دنيا، وقالت: أنا عمرني نشمت في شي واحد لأنني كنخاف الله، ماشي بحالك كتعبري على مستواك المتدني.
طليقة محمد ترك زادت عايرات باطمة، وقالت: “أنت حقودة وغيورة وخربتي ليا بيتي”.
وتابعت السابر: ”بغيت غير نفهم سبب هاد الحقد، يمكن فاش كيكون الإنسان عندو قلب كحل، ماكيبقلش يشوف الأشياء الإيجابية في الحياة”.
بهاد الخرجة، منى السابر جاوبات دنيا باطمة لي كانت حطات فيديو على حسابها في انستكَرام مباشرة بعد صدور الحكم عليها بعام ديال الحبس، كتغني فيه أغنية “يوم ليك ويوم عليك” ديال الفنانة التونسية الراحلة ذكرى.
المصدر : https://assadaassiassi.com/?p=1267
عذراً التعليقات مغلقة