هنا شاطئ سيدي افني ، المدينة الساحلية الجميلة جنوب المغرب
دوك الباراسولات والطبالي وألعاب الأطفال والخيام … ليكتشوفو كولشي بالمجان ، كيجيو المواطن كياخد راحتو كيستمتع كينقي بلاصتو وينوض فحالو بلا مايخلص درهم ، هادشي بفضل مجهودات المجالس المنتخبة والسلطات ودائرة الامن لي كاين فالبحر ولكن منساوش سكان المنطقة الكرماء عزيزي النفس ايت باعمران متيحملوش الذل والسعاية .
ودبا تخايلو لوكان جا هادشي فشي مدينة اخرى شحال من بارد الكتاف غيضرب جيلي صفر ب 100 دريال ويهرف على داكشي ويبدا اكري فالباراسول للناس 10 درهم و الطبلة 50 درهم ويا ويلك متخلصوش حيث دااكشي ولا من الممتلكات الشخصية ديالو !!
مزيان نطالبو برحيل اخنوش ومحاربة جشع اصحاب رؤوس الأموال ولكن مزيان كذلك نحنو فبعضياتنا ، ماعندها حتى معنى نتشكاو من نهب المال العام ونحن ننهب بعضنا راه حتى داك المسؤول كان مجرد شفيفير صغير تعطاتو الفرصة ولا شفار كبير تماما بحال بوصفير كون طاح فشي ميزانية مݣمحة .
ليغادي اقولو مزيان نتعاونو معاهم غانقوليك المواطن البسيط ماشي هو وزارة التضامن باش اعاون كولشي حتى حنا عندنا عائلاتنا كنتعاونو معاهم و زايدين على بارد الكتاف غي بالصبر وتمارة ليكنضربو
وزايدون الصدقة لي كتعطى بزز مبقاتش احسان كتسمى ابتزاز .
المصدر : https://assadaassiassi.com/?p=14819
عذراً التعليقات مغلقة