الحكرة والظلم بعينيه في محطة اداء الطريق السيار ديال خريبگة …
مواطن من الفقيه بن صالح جاي هو ولدو من مدينة الدار البيضاء فالطريق السيار الى مدينة خريبكة بغا يخلص فمحطة الاداء بالكارطا ديال اتصالات … خلص ..
كيتفاجئ بالدرك كيوقفوه كيقولو
ليه جاتنا شكاية من محطة الاداء انك ما خلصتيش ..
درتي البارشوك على البارشوك على هاداك لي قدامك وتجاوزتي الباريار ومخلصتيش .. والغرامة هي 400 درهم و4 نقط ستخصم من رخصة السياقة للابن ديالك … لانه هو لي كان سايق ..
السيد موظف محترم ما يمكنش يدير هاد الشي .. قاليه نمشيو عند هاد الموظفين ديال محطة الاداء..
بالفعل مشاو ..واصر الموظف لي ديكلارا بابن الفقيه بن صالح على الموقف ديالو ..
عطاه لاكارت ..قال ليه ما تتبانش ليا ،السيستام خاسر سير دعينا …
الجوندارم قالو ليه الذنب ما شي ديالنا حنا عبد مأمور … ذنوبك على مالين محطة الاداء ..
السيد استسلم للامر الواقع …كيشوف الظلم بعينيه ..خلص البروصي .. وجا للفقيه بن صالح ..اش غادي يدير الميت قدام غسالو …
ملي وصل للفقيه بن صالح تلاقى مع احد رجال القانون قال ليه كان عليك تعيط على 50/50 هوما يعالجو الموضوع ..
بالفعل عيط على الرقم الاخضر 50.50 الخاص بالطريق السيار ..عاود ليهم مشكيلتو طلبو منو المعلومات ديال لاكارت لي خلص بيها داروها فالسيستام ديالهم لقاوه تظلم فعلا …وانه خلص بالكارت ديك الساعة …
الاجراءات لي خاصو يدير معقدة … باش يرجعو ليه 400 درهم ديال البروصي ..والنقط لي تخصمات ليه والتسخسيخة … والتاثير النفسي ..فالواقعة ..الظلم بعينيه
خونا بانت ليه غير صفحة وليدات الفقيه بن صالح ومتتبيعيها باش يخوي قلبو على هاذ الظلم لي تعرض ليه من طرف موظفي محطة الاداء خريبكة ..ديال الطريق السيار
المهم لي وقع ليه شي مشكل مع صحاب اوطوروت ماينساش الرقم الاخضر 50.50..ربما يكونو هوما ارحم من الموظفين لي فمحطة الاداء …
حسبنا الله ونعم الوكيل
المصدر : https://assadaassiassi.com/?p=14151
عذراً التعليقات مغلقة