الألعاب الاولمبية فيها شي 30 رياضة ، جامايكا كايمشيو ب وفد فيه 5 د الدراري و 5 د البنات و غي بوحدهم مامعاهم لا مدربون لا طاقم تقني لا شي وحدين غي مزلقين ، كايقطعولهم الطيارة فالدرجة الاقتصادية و يسيفطوهم ، و كلهم اختصاص الجري المسافات القصيرة ، تسوّلهم على شي رياضة اخرى يقولك سير شارك فيها نتا و تقصى من الدور الاول حنا خاطينا ، كاتبدا الاولمبياد و العالم كاينافس فجميع الرياضات و هما متكيين ف لوطيل ، كادق ساعة الحقيقة كايشدوها فوتينغ لحلبة السباق و يجيبوها مع الضربة د القرطاسة قد قد ، كايشاركو ف سباق 100 و 200 و 400 ، و فسباق 100 و 200 و 400 حواجز ، و 100 متر اربع مرات ، و 400 متر اربع مرات ، كايجيبو معاهم 10 ذهبيات و 5 فضيات و 2 نحاسيات و يرجعو لجمايكا وكايلقاو غي مشجع واحد كايساينهم فالمطار و ف يدو جوان قد الصاروخ..
براهيم شويبة
المصدر : https://assadaassiassi.com/?p=32779
عذراً التعليقات مغلقة