باش تخلي الكلينيك ديالك وتهز الماطيريال ديالك وتجيب معاك بناج وطاقم طبي متطوع وفي نهار الأحد لي هو كونجي ديالهم وتخلي وليداتك ودير 39 عملية جراحية وفي نهار واحد وفي سبيل الله وبدون مقابل فراه فعلا قدمتوا درس كبير لجميع المصحات الخاصة والأطباء في المغرب ألا وهو الطب ماشي تجارة فقط إنما هوعمل إنساني ايضا والجميل اخوتي هو انه رئيس هاد الطاقم الطبي المتطوع لي في الصورة ولي مباغيش يبان كايقول القافلة مستمرة والشهر القادم غاتشوفونا في عمالة جديدة لهذا بغيت المغاربة كاملين لي وصلاتكم هاد الصورة تشجعو هاد الناس وتفتاخروا بيهم لأنهم هادو هما الفنانة والمشاهير لي محتاجهم الشعب المغربي وهما لي كايستحقوا الثناء والتشجيع ، وحنا كولاد الشعب وبنات الشعب ماتسالونا غير الدعاء ، والله يرحم ليكم الوالدين وهادو هما التحديات ديال بصاح
المصدر : https://assadaassiassi.com/?p=21785
عذراً التعليقات مغلقة