مؤخرا وليت متبع فيديوات واحد السائحة هولندية سميتها Noraly عندها قناة كبيرة في اليوتيوب فيها اكثر من مليون ونصف متابع كدير فيديوات علي رحلاتها بالدراجة النارية عبر العالم مؤخرا جات للمغرب كتسارا المدن بدات من الشمال وكتصور فيديوات جميلة حاليا كينا في الصحراء ….مهم وقع ليها مشكل في الدراجة النارية ديالها بغات دير واحد الغطاء لسلسلة العجلة الخلفية.. صاحب الفندق لي نزلات فيه نعت ليها واحد الشاب عندو محل (سيكليس) سميتو رمضان هاد الشاب الجميل عطا انطباع زوين علي كرم المغاربة وبراعتهم في الحرف غير شرحات ليه المشكل قاليها no problem مع ابتسامة.. يعني غير تهناي
هندس ليها الشكل لي فكر فيه فكرطونة مشا جاب طولة وصنع الشكل وصبغو بمساعدة الأب ديالو مهم جا داكشي لاصق ?
مشات فرحانة وصلات للفندق دير دويرة علي موطور لقات مشكل اخر فواحد العلبة ديال فلتر الهواء فيه جوج ثقب كبار معرفات مدير عيطو لرمضان ثاني جا للفندق شاف داكشي قاليها no problem بنفس الابتسامة رجعو ثاني للمحل عيط لباه .. جابو الياف الزجاح و لاريزين سدو ثقابي وصبغوهم…. ومشات ثاني فرحانة ?…
ومن خلال التعليقات اغلب المتابعين ديالها محترفين وهواة ديال السفر بالدراجات النارية كيشكرو رمضان وعلي انه انسان رائع هو والفريق ديالو بينو علي احترافية كبيرة في حل المشكل بواسطة ادوات بسيطة… وعلي ان ديك الخدمة لي دار ليها متحتاجش تجيب معدات جديدة لانه هاد الاصلاح غادي يدوم ليها مدة طويلة .
خلاصة القول هو أن المغاربة يحتاجون لقليل من الدعم وسيبهرون العالم بإبداعاتهم.
المصدر : https://assadaassiassi.com/?p=20173
عذراً التعليقات مغلقة