.
نحكي ليكم اليوم قصة وكالة لاراديج ديال الجديدة، وكالة مسلطين عليها جوج شفارة، المدير عبد الله إلهامي (الصورة) لي حصلوه خاليها، تا من بوطوات ديال الوكالة طمع فيهم و دوزهم لاحد النافذين فازمور المسمى الترابي صاحب مقهى أم الربيع بازمور لي بنا بيهم قهوة ديالو ، انظر مصير البوطوات فالتعليق، هذا الشلاهبي كان ساكن فواحد الفيلا ديال لاراديج سميتها “فيلا ستيلا” حدا مقر عمالة الجديدةو فنفس الوقت كيستافد من تعويض السكن ب 17 الف درهم شهريا، منذ 2014 الى غاية 2021، بمعنى ما يقارب 132مليون واييه…
المهم بعدما تحطو ضدو شكايات من جمعيات حقوقية وأخرى مهتمة بحماية المال العام، خصوصا بعد فضيحة التعويض 180 مليون ديال الارض لي احتلت لاراديج دون اتباع المساطر القانونية المتعلقة بنزع الملكية وتحويل هذا المشروع الى طريق آسفي ومنح هذا المشروع الى شركة من مراكش حيث ينحدر المدير ، اكتفاو ينقلوه للقنيطرة و مريضنا ما عندو باس.
و الثانية لي رقاها الشف*ار الاول قبل ما يمشي، هي رئيسة قسم التواصل و الاشهار و ذاكشي، متهمة حسب كثير من المهتمين بتأمين الاشهارات و السندات لراجلها فؤاد مسكوت، رئيس جامعة المصارعة (الصورة)، و مدير نشر قناة echo 24 ، و كذلك مستشار جماعي نجح بعدما طمع و فرض على مرشح الدستوري يكون على راس اللائحة، حسب رواية الدستوريين.
غارق فتضارب المصالح و محتل الملك العمومي بسيدي بوزيد بالعلالي، هرف على طيراس و ممر الراجلين توسع فيه، و بنى في الملك العمومي، قهوة la mangua خارج الضوابط (انظر الصورة فالتعليق)، و كلشي بمباركة رئيس الجماعة الفاطمي تا لي هو عضو معاه في جامعة المصارعة ?، بالمناسبة هاذ المقهى يقول سي مسكوت انها في ملكية اخته لي كتعيش ففرنسا و لا علاقة له بها.
لذلك كتلقاه كيدافع على الوكالة باستماتة حماية للخبيزة الخاصة ومصالح زوجته بعيدا عن كل مصلحة عامة…هذا مازال نرجعو ليه ان شاء الله بتقرير عن اختلاساته بقبعة جامعة المصارعة…
و كان، هاذي هي قصة لاراديج ديال الجديدة…
سير على بركة الله…
المصدر : https://assadaassiassi.com/?p=19801
عذراً التعليقات مغلقة