بالدرجة المغربية
شكون هو القائد العيادي
القايد العيادي
هو ميلود بالهاشمي بن مبارك
بن محمد بن الزاويه بن جعفر
بن عبد الله بن مبارك
وتزاد في 1880 دوار شلالقه لكين فشمال غرب الرحامنه
غرب مركز صخور
واللي كان كيمثل اهم نزالات في مجال الرحامنه
تربى القايد العيادي فاحضان الواليدة دياله لاله فاطمه بنت الشريف العلمي
فاش كان مات باه الهاشمي سنه 1894
وتعلم القايد العيادي حمل السلاح وركوب الخيل بامساعدة ديال
ولد عمو الشيخ احمد بن محمد الملقب بالجراوي
ونتقل العيادي من محارب صغير الإمتهان فن زطاطه
وكان كي امن طريق القوافل
وكان عارف الخبايا ديال المنطقه
من مراكش حتى لشاويه
وكان كيشارك في الحروب ضد القبايل السايبه
وناصرة القايد العيادي المولى عبد الحفيظ
في خروجه على اخوه السلطان مولاي عبد العزيز
واللي كان كيكن عداوة لقبيلة الرحامنه
وخصوصا بعد التمرد 1908
وبعد سنوات تعين قيد العيادي قائدا خصوصا بعد تولي المولى عبد الحفيظ مفاتيح السلطة
بالمساعده ديال العيادي بشرط يتطلق السراح السجناء الرحامنه
وبعد المعاهده وضع العيادي يدو مع المستعمر
معتمد على الحنكته وداهئو
باش يهرس الشكوى حركات ودعم المستعمر ضد المقاومة احمد الهيبة
وكان القايد العيادي قام بدعم العسكر الحمايه
وهذا الشيء هو اللي خلاه يوم 4 ماي 1919 يتعطاه واحد الوسام تقديري من فرنسا
وحضر الحفل النصر في باريس يوم 14 يوليوز من نفس السنه
دازو احداث والقايد العيادي تقلب على المستعمر
فاش التنفى السلطان محمد الخامس
وتعين بن عرفه باش يتزعهم الحركه الوطنيه
وانضم لهم بعض الرجال ديال المقاومه
وهو ليردات عليه الاقامه العامه بقوه
حيت عتاقلت الحليفها السابق ونفاتو لفرنسا
وقبل ما يعود ويتم اخداعه للاقامة الاجبارية
تم التقسيم القبيلة ديالو وتعتامد العنف في الحجز ممتلكاته واراضيه اللي كانت كتجاوز 45000 هكتار حوالي 15 الف كانت بالبحيره لي كتعتبر من اخصب الاراضي
شيء اللي خلاه من زطاط الى اكبر ملاك المغرب
وكان كيتباها لعيادي بحال الباشا الكلاوي
ولكن ديون والاستيلاء على اراضيه ساهمت فتراجع الهيبه ديالو
كيقول بول باكسون ان هاذ القايد تحرر من التقاليد والصباح كيعيش حياه الملوك برفاهيه
وكان عندو رياض بمراكش والقصر معروف في بن جرير
وقصر القليعه قرب الصخور
وكانوا الخادمات كيقدمو الوجبات على انغام الموسيقى الاندلس والفرقة نسائية وكترأسها مراة سميتها صائلة
والمشرف على التمرين ديالهم كان مصري
ووصلوا الزوجات القايد العيادي تقريبا 20 زوجه
وكانت منهم يامنه لأرمله ولد عمو وعراب ديالو الكراوي ( هو الشخص المسؤول او المشاور كيفما كانقولوا اليد اليمنى واللي كايكون قريب للسيد
وكان صهر لعائلة الجامعي الفاسي بالزواج من بنتهم زينب
اللي بنا لها رياض بمراكش على طابع معماري اندلسي
مايسمنه باسم الدار الجديدة
وكانت اخر زوجة ديالو امازيغيه اللي كانت مازال باقه في الحياه حتى الغايه القرن 21
ولي رافقاته في اخر عمره زوجته كبوره
ولي مولدتش معاه حتى ولد
ولكن عندو 22 ولد مع عيالاته الاخرين
وكان تزوج من ثلاثه الجنسيات العرب وافارقه وامازيغ
كان القايد العيادي كيسهر على المجال ديال الثقافه
حيث كان كنظم المجال الثقافي بحال المواسم السنويه
وكان كيقدم الهدايا للناس المشرفين والرؤساء على الزوايا والاضرحه وكان كيعفيهم من الضرائب
وكان القايد العيادي مولوع بفن التبوريده
وكان كيخرج بزاف النزاهه ومعاه الشيخات
من خلال اغنية العيطه كنسمعوا داير الشيخات في جنبه فين مارشقو ليه يلعبو
مول التريات الورديه مول قفطان الكبريتي وراه الخدم تمشي وتجي وراه العبيد يقولو سيدي
وسايق العودة بالمجدول
من خلال هذه الكلمات غانعرفو باللي كان كيلبس لباس تقليدي وكايعيش افخم منازل مزينه بالديكور
وكانت عندو عوده داير لها لجام من مجدول الحرير
وكان القايد العيادي مولوع بالتعليم الاصيل حيث كان كيعلم الابناء ديالو تعليم الاسلامي
بجماعه ابن يوسف بمراكش وبجامعه القرويين بفاس
وخدم القايد العيادي على بناء مدارس حره كمدرسة بحي قاع المشروع بمراكش
بالاضافة الى مدرسه القايد العيادي للتعليم العتيق ببنجرير
كان القائد العيادي كيوسي ابناء القبيله ديالو على تمليك اراضيهم وجاءت تسميته بالعيادي لروايتين شفهيتين
حسب ما ذكره الباحث عبد العزيز تايلاني كيقول انه زاد يوم عيد الميلود النبوي
والروايه الثانيه جات من لسان احد البوابين سميتو ابو علي
كان العيادي كردد وكيقول كلمة ” اعيد اعيد..” في فن التبوريده
وكان العيادي كيفضل اللباس التقليدي البلدي
من كسوه وفرجيه وقفطان والمضمة المطروزه بالبيض وبالغه الصفرة وجلابه ورزه من الكتان
وسلهام
وساهم العيادي في انشاء بيت للحكمه للعلماء منطقه الرحامنه وندكرو منهم الفقيه بلحسن الدباغ الفقيه العاقب الشنقيطي
ومولاي احمد باليازيد البدراوي اضافه الى الاعيان بحال احمد بن لشهب والحاج عبد القادر براده والشريف مولاي مبارك السباعي
قصه الوفاء والخيانه تختلف
العيادي كان وافي للمخزن والسلاطين ولكن تعامل مع المستعمر ضد ابناء البلاده باش يرجعت لصفوف الحركه الوطنيه ضد المستعمر
بعد نفي السلطان سيدي محمد الخامس بن يوسف.
للمراسل يوسف حاسن
المصدر : https://assadaassiassi.com/?p=18287
عذراً التعليقات مغلقة