تخايل أن هاد الولاد ماتو دفعة واحدة البارح ومكاينش حتى ذكر للسيرة ديالهم فأخبار التلفزيون الرسمي ولا الصحافة الصفراء، تخايل أن 13 واحد ماتو جملة فمحاولة حريگ فاشلة ومزال لحدود كتابة هاد الاسطر البحث جاري عن دراري مفقودين اخرين داهم البحر، ورغم دلك… لا وجود لأي إحاطة إعلامية.. فقط التعتيم والتجاهل الإعلامي.. علاش ماشي مغاربة؟؟ ربما الإعلام المشري مابغاش يشوش على احتفالات راس العام.. و ربما بغا يحافظ ما امكن على ديك الصورة الجميلة الوردية البهية الملامح لي خلاها المنتخب… لكن هذا قضاء الله وقدره بغا يفيقنا ويفكرنا أن هذا المغرب.. بغا يفيقكوم من الحلمة ويوريكم وجهكوم فلمرايا… هنا مغرب اليوم ماشي مغرب الأمس، هنا الفوارق الاجتماعية والحݣرة المجالية والظلم المدشري.. هنا ماشي الرباط القناطر والجسور والشوارع نقيين لڤيترينا لي تحطات فالواجهة.. هذا الظهر ديال الڤيترينا لمكرفس لمظلم لي انعدم فيه الأمل بسبب سياسة التهميش واللامبالاة..
راه حتى حنا بحالكم مغاربة…
تعازينا الحارة لمنطقة وادنون ولقبائل أيت بعمران ?
المصدر : https://assadaassiassi.com/?p=18230
عذراً التعليقات مغلقة