زوج توفاة الزوجة ديالو وخلاتلو جوج بنيتات ، الأستاذة ديالهم لكتقريهم في المدرسة القرآنية سيدة محترمة منقبة حافظة لكتاب الله بقاو فيها دك بنيتات وهي لي تكلفت بهم بعد موافقة الأب ، جابتهم لدارها فمدينة آسفي يعيشو معها ومنها تقريهم وتحفظهم القرآن الكريم وبالفعل البنات بفضل الله ثم بفضل هاد السيدة الصالحة حفظو 25 حزب ..
دازت أيام الأب جا يطلل على بناتو وجاب معه حويجات دالبنات واطلب من السيدة مولات الدار يدوز معهم شي أيام في الدار !!
السيدة طبعا رفضت بحكم أنها عايشة بوحدها وزوجها في الخدمة ماكينش في دار لأنه كايشتاغل في البحر ، فهاد اللحظة الأب غايجبد موس وغايوجه لها طعـ ـنة في العنق وضـ ـربة خسرلا وجها ? البنات من هول المفاجأة طارو عليه وغطاو عليها كايدافعو عليها وهو كايوجه لها طعـ ـنات بطريقة هستيرية وبداو كايغاوتو و يطلبو النجدة وجروها للبالكون وغلقو الباب وبداو يغاوتو حتى سمعوهم الجيران وناس الحومة وطلعو عتقوهم واتصلو بالبوليس وتم نقل السيدة فحالة حرجة للمستشفى ..
المجـ ـرم بعد تحقيق معه قالو أنه كايعاني من اضطرابات نفسية وصرح أنه كان ناوي يقـ ـتل والدته وبعض أقاربه لأسباب مازالت مجهولة لحد الآن .
: بقلم ابراهيم اشويبة
المصدر : https://assadaassiassi.com/?p=15409
عذراً التعليقات مغلقة