هذا لي لابس طابلية لي ما بينو و بين الطب غير الخير، هو عبد الرحمان حروق، المقتصد و المدير بالنيابة لمستشفى الحسن الثاني بخريبكة، الغبار الشفار لي كيجي للسربيس سكران.
منوض الشياط ف لي بون دو كوماند و فالصفقات، ساكن فدار الدولة و سارق جوج مليون و نص ديال الضو و الما ما مخلصهاش لدابا، عندو Audi ساوية 30 مليون ماتيخرجهاش ساد عليها ، هو لي كيتحكم في شركة السيكيريتي كيخدم لي بغا و كيخرج لي بغا، كيفرق المجانيات على اصحابو، ممكن ترجعو لسجل المعلومات وتتأكدو إلى كذبنا،علما ان هاد الخدمات خاص يستافد منها الفقراء والمعوزين و ذوي الاحتياجات الخاصة.
متورط في جريمة إفشاء السر المهني لزملائه ف العمل، هو و نادية مولات (UN كلينيك) مسؤولة الموارد البشرية لي ما عارفاش une clinique واش مذكر و لا مؤنث، سربو الملفات الطبية ديال الماجورة زوليخةةقبل سنوات، و مؤخرا ديال الطبيبة المستشارة حنان غزيل لي داعياه حاليا.
عندو تضارب المصالح يستلزم الإقالة، مستشار جماعي نائب الرئيس الزكراني و مستافد من جوج حوانت، واحد ليه و واحد لمرتو، باع فيهم واحد علما ان البيع ممنوع و باقي عندو واحد لدابا داير فيه الدجاج فالخوادرية، المدير الدجايجي كيبيع الدجاج للمقاول لي واخد صفقة التغذية للمستشفى الخاصة بالموظفين و المرضى، المدير الدجايجي السحار يصول و يجول في السبيطار ولي ماطاعوش اطحنو ويبدا يهددو بالملفات دياولو .
كان كاتب محلي للصحة للكونفيدرالية، لي معاه فالنقابة كيتهلا فيهم ولي ممعاهش كيتمارس عليهم الشطط، و قبل ما يلتحق بالكنفدرالية، كان في الفدرالية و كذلك ugtm و من بعد الكنفدرالية مشا الجامعة الوطنية للصحة لانه كان بغا النقابة توقف معه لنيل منصب مقتصد، طالع واكل نازل واكل، و أي بلاصة فيها مصلحتو تيمشي ليها، أكبر انتهازي.
و فالاخير نادية السالفة الذكر هي اللي جابت ليه بوسط مقتصد و بمباركة umt و المندوب السابق، لي كان ملاقي معاه غير على الخمر و البيضا و البنات والمشاريع الوهمية، غانصبغو بلا صباغة و غنصلحو بلا إصلاح.
الكرة عند السي العامل فيما يخص تضارب المصالح، و عند السي الوزير فيما يخص قانون الوظيفة العمومية…
و ربي لا ما حققو غير ف لي بون دو كوماند، و الله العظيم، ستجدون العجب…
سير على بركة الله…
المصدر : https://assadaassiassi.com/?p=15049
عذراً التعليقات مغلقة