بقلم ابراهيم اشويبة
: الناس لي غا تجي ل امسفران حاولو ما تريبيوش حدا العوينة ولا المدايق. البارح مع شي 12 د الليل كانسمعو الغوات « وا عتقو الروح وا عباد الله” ف اللول كايصحاب لينا كايتفلاو شوية ب شوية كايتجهد الصوت ناض راجلي و شي دراري كانو مخيمين حدانا كايجريو لقاوهم جايين مساكن تايجريو حفيانين و لابسين شي الشورطات و كاين لي طاح مع الحجر و تجرح من رجليه وصلو كلهم كايترعدو و قالو لينا عتقو راسكم راه هبطو لينا من الجبل بالحجر و ماشي حجر صغير حجر نييييت كون جات ف شي واحد كون قتلاتو.
بداو تايعيطو للجوندارم و بقاو معانا مجموعين شوية الجوندارم وصلو و طلعو كاملين يشوفو البلاصة لقاو غا يديهم و الرحمة كلشي داوه تا من الخضرة و الطحين و الخيمات كلشي كلشي شي2000 درهم فلوس و تلفوناتهم كاملين واحد فيهم عندو ايفون 13 …صافي رجعو قيدو المحضر و مشاو فحالهم
و الدراري باتو حدانا حتى للصباح و مشاو و راجلي نيت وصل الولد لي تضرب ف رجلو . و حاجة لي أكيدة ان الشفارة ولاد المنطقة حيت العساس عرفهم و قالينا ما نقدش نقول شكون لا يديرو ليا شي حاجة ل داري . يعني الفاهم يفهم

هادي خامس مرة كيوقع هكذا و مازال هاد العصابة متشدوش ???

المصدر : https://assadaassiassi.com/?p=14833