السلام عليكم بغيت نحكي لكم تجربة ديالي انا وصديق ديالي البارحة فعيون أم الربيع لي كون قريت شي منشور عليها فالمجموعة مامشينا ليها.
أولا سبق لينا مشينا لعيون أم الربيع 4 سنوات هذي والبارح ثاني تجربة، الحاجة إلي غتلفت الانتباه ديالكم هاد المرة والي كنا كنسمعوا هي أثمنة الخيالية هاد المرة وكنت كنشوف الاستنكار من كل واحد كيسول كنت كنسمع دائما 220 درهم… فاش وصلنا لواحد البلاصة سولنا على ثمن نفسوا 220 درهم طاجين متوسط الحجم الي الثمن ديالوا الحقيقي 70 درهم باش خديناه ف شلالات اوزود،، و الثمن باش خديناه Existent ديالنا قبل 4 سنوات فالنفس المكان كان 80 درهم
انا كنتفهم انه كاين تضخم هاد سنوات ولكن والي بنك المغرب قال ان نسبة تضخم 4 % على ما بقيت عاقل ماشي 120% هادوك الناس كاملين الي تما متفقين على نفس الثمن يعني انت كتجي ضارب مئات كيلومترات وكيحطوك أمام امر الواقع… والأخير خلصنا طاجين و براد اتااي ب 210 دراهم ومبقيناش كليناه والسبب!!
فاش وصلنا شدينا بلاصتنا الصديق لي معايا طلع لفوق بغا يشري بطاقة تعبئة و شي حاجة خاصاه مشى بوحدوا.. عطاهم 200 درهم رجعوا ليه صرف ديال 100 درهم.. واحد هو و الأم ديالوا يعني نكروه عاين باين فالصرف… و تطور الأمر إلى اتهامات بينهم حتى استفزاتوا الأم وتطور النقاش إلى سب بين طرفين و مشاو لعند الدرك… مع العلم الصديق ديالي خلص الابن و جات الام كتشهد انه عطاه 100 درهم ماشي 200 ?
المهم بعدها اتصل بيا صديق ديالي من عند الدرك خلصت طاجين و البراد وخا مكليناهش و طلعت عندهم..
فاش خرجت من عند الدرك التقيت بولد عم ديك السيدة كيف ما عرف ليا راسوا هو بشكل افتراضي كيعتبروا ان لي ظالم هو الطرف الآخر و كيحكي كأنه كان و هو مكانش نهائيا..
يعني بالمختصر الأثمنة خيالية فعيون أم الربيع لا ترقى لمستوى ذيك الأثمنة + ردو البال مزيان مع ناس ديال ديك المنطقة اخذ الحيطة و الحذر.. والسلام
✍️ imazighen de l’atlas
: السعدية السطاتية خنيفرة
المصدر : https://assadaassiassi.com/?p=14776
عذراً التعليقات مغلقة