.وزارة الداخلية تضع حدا لديك الخواض اللي كان فجمع التبرعات والفلوس.. بحجة المساعدات الإنسانية .. اليوم ولات شروط ضرورية خاصها توفر للقيام بذلك :
1- أولا خاصك تكون جمعية معترف بيها قانونا ، ديك اللعيبة ديال الفايسبوك “آجي تساهم معانا” مابقاتش..ما بقا حتى شي واحد عندو الحق ينوض بوحدو يجمع التبرعات بلا تكون عندو هاد الصفة ديال جمعية ، إلا في حالة واحدة وهي إذا كان الهدف هو تقديم مساعدات عاجلة في حالة الاستغاثة، فيمكن القيام بذلك من قبل مجموعة من الأشخاص الذاتيين غير المنضوين في إطار جمعيات ،
2 – خاصك دفع طلب للسلطات المحلية قبل 10 أيام من تاريخ العملية التضامنية اللي آدير باش يعطيوك ترخيص تجمع الفلوس أو التبرعات ، بدون ترخيص مايمكن دير حتى حاجة..تقدر تحط الطلب ديالك قبل 24 ساعة في حالة كانت الحملة التضامنية اللي آدير مستعجلة ،
3 – خاصك ضروري تخبر الناس اللي جمعتي من عندهوم الفلوس أو المساعدات ، شحال جمعتي بالضبط ، ومن حق أي متبرع أنه يراقبك ويكوليك فين مشات فلوسي وداكشي اللي عطيتك وأنت ملزم تيبلو هادشي بالأرقام و المعطيات و بكل الوسائل المتاحة ،
4 – جمع التبرعات خاصو يكون إما بهدف إنجاز أنشطة أو مشاريع ذات صبغة اجتماعية أو إنسانية أو تضامنية أو خيرية أو ثقافية أو بيئية، أو تقديم المساعدات أو الإعانات لأشخاص في وضعية احتياج او في حالة استغاثة أو عند وقوع كوارث أو آفات أو حوادث ألحقت أضرارا، أو للمؤسسات الاجتماعية غير الربحية المحدثة بصفة قانونية سواء داخل المغرب أو خارجه ،
5 – خاصك تحط الأموال النقدية المتحصل عليها من العموم في حساب بنكي مخصص لهذه العملية، مع منع الاستمرار في تلقي التبرعات في هذا الحساب خارج المدة المخصصة لجمع التبرعات،
6 – داكشي اللي جمعتي وناوي تفرقو بحال مواد غدائية أفرشة ألبسة أطعمة… ضروري خاصو يتوفر على الشروط والمعايير المطبقة في مجال حفظ الصحة والجودة بالشكل الملائم الذي يضمن صلاحيتها وسلامتها وقابليتها للاستعمال أو للاستهلاك ،
7- منين تسالي العملية ديالك ضروري خاصك دير سجل تشرح فيه شحال جمعتي شحال صرفتي بالأرقام و التفاصيل الدقيقة و المعطيات الصحيحة ، هاد الملف خاصك تخليه عندك لمدة لا تقل عن 5 سنوات ،
بقلم ابراهيم اشويبة.
الصدى السياسي.
المصدر : https://assadaassiassi.com/?p=14189
عذراً التعليقات مغلقة