جمعية حماية المستهلكين ديال اسبانيا نشرات دعوات للمواطنين باش ايلا شافو اي منتج جاي من المغرب مايشريوهش.. وهادشي ردا على الازمة ديال سبتة لي وقعات مؤخرا.
اسبانيا ماوقفاتش غير هنا، ولكن حتى اتحاد منظمات المزارعين دار بلاغ كيقول فيه بلي خاص يتمنع استيراد المنتجات الفلاحية من المغرب.. حيت بالنسبة ليهم المنتجات الفلاحية ديال المغرب طايحة فالثمن، ومكيقدروش ينافسوها بالمنتجات ديالهم لي كاتقام غالية.. وعطاو مثال بمطيشة، لي كيقولو ان كل 10 دراهم كينفقها المغرب باش ينتجها، فراه اسبانيا كانفق 100 درهم.. يعني مزانية انتاج مطيشة فاسبانيا مضروبة ف10 مقارنة مع المغرب، وهادشي كيخلي ثمن مطيشة المغربية منخفض فالسوق، والمواطنين كيشريوها، وكيخليو مطيشة ديال اسبانيا.. وهادا غير مثال واحد حيت كينين بزاف ديال المنتجات الفلاحية، واسبانيا دبا بغات تستغل الفرصة باش تقدي على هادشي.
