المغرب قريب يدفن “ماما” باش تبقى غ “فرنسا

وهاذ الشي كامل غيكون مباشرة من بعد انتخابات شتنبر في حدود اكتوبر ولانونبر 2026، وما جرى هاذ الأيام في الرباط بين أخنوش ونظيره الفرنسي كان عمليات هندسية لتحول كبير.

الزيارة الملكية لباريس غتوقع فيها معاهدة هي الأولى من نوعها اللي كتوقعها فرنسا مع دولة خارج الإتحاد الأوروبي.

وكتعني ميلاد جديد للعلاقات المغربية الفرنسية، على أنقاض التردد الفرنسي الطويل بين المغرب والجزائر.

وكتعني ان الاعتراف الفرنسي بالسيادة المغربية على الصحراء ماشي لحظة عابرة، هي لبنة من لبنات مسلسل طويل لإقرار استقلالية القرار السيادي الوطني.

وحتى اللي عزيز عليه يحلل بداكشي ديال “إكس ليبان” هاذي راها نهاية نفسيات وظلال ” إكس ليبان”.

هاذ الشي ما وصلناش له بسهولة، كانت معركة شرسة وهادئة، والشخصية المغربية كانت ندية وصبورة طويلة النفس، وكانت ايضا إنسانية؛ دور كبير لعباتو العلاقات الأميرية الشخصية وسيدة قصر الإليزيه.

ما ينجزه الملك محمد السادس في العلاقات المغربية الفرنسية لايضاهيه سوى منجزه العظيم في قضية الصحراء.

هذا علاش ما غايساليش دابا الفيلم ديال علي المرابط( بالمناسبة هو يدين نفسه بالعرض المسرحي الجدبد) وجرائد بيغاسوس وحتى ذيك الصحفية الزوينة ففرانس 24 اللي خلات الشعر والقصة والسينما والمسرح .. ومشات حتى هي تدوي في التجسس.

الدراري والدريات عاد بداو، والطرف اللي مسخرهم مقصح بزاف من جهة سيدنا وخاسر فلوس صحيحة على التخاريف.

Source : https://assadaassiassi.com/?p=50815